Argitalpen honek “Feminismoak garapenerako agendan” izeneko Topaketaren hitzaldiak eta ondorioak biltzen ditu.Topaketa 2010eko maiatzaren 27an eta 28an egin zen, Bilbon, Euskal Herriko Unibertsitateko Ekonomia eta Enpresa Zientzien Fakultatean, hain zuzen ere, “_Generoa Garapenerako Hezkuntzan: Iparraren eta Hegoaren arteko eztabaidarako gaiak, emakumeen agenda politikorako_” proiektuaren baitan; HEGOA eta ACSUR-Las Segovias (Madril) elkarteek garatu dute eta Eusko Jaurlaritzako Garapenerako Lankidetza Zuzendaritzak eta Garapenerako Nazioarteko Lankidetzako Espainiako Agentziak finantzatu dute. Aipatutako Topaketa 2007. urtean abiarazitako lanaren amaiera da; izan ere, lan horretatik abiatuta, hausnarketa eta sentsibilizazio espazio bat sustatu zen eragile ezberdinen artean (GGKEak, emakumeen eta mugimendu feministen erakundeak, unibertsitateak, etab.), emakumeen emantzipazioan aurrerapausoak eman eta emakumeentzako zein gizonentzako bestelako garapen eredu kolektiboa eraikitzeko.