Gizarte mugimenduak politika egiteko modu berri bat ekarri dute sistema politikoetara. Betiko interes taldeekin eta alderdei politikoekin lehian, batzuetan alderdi politiko berriak edota hauteskundeetako alternatiba berriak osatuz (berdeak, feministak, zerrenda alternatiboak, ...) edo ez, beren gaiak eta agendak politikarien eta erakundeen mahai gainean lehen mailan egotea lortu dute. Euskal Herriari dagokionez, zehazki, eragin batzuk nabarmenak dira: euskal lurra nuklearizatzeko politiken porrota, politikarien eta komunikabideen agendetan genero kuestioak etengabe azaltzea, edota derrigorrezko soldadutza ezabatzea.