Gure ustez, munduko egiazko hiritarrak heztea ezin da lortu irakasgai bakar batean, baina Etika- eta gizarte-hezkuntza irakasgaia hezkuntza-aukera bikaina da, eta horretaz baliatu behar dugu aukera hori garatzeko.

Curriculum ofizialetik abiatu gara, eta curriculum hori “elkartasuna sustatzen duten jarrerekin, prozedurekin eta edukiekin lotu dugu, eta elkartasuna sortzen dute jarreraz, prozeduraz eta edukiz josi dugu”. Gure ustez, Elkartasunerako hezkuntza, benetan eraginkorra izango bada, ikasgelako eguneroko bizimoduan islatu behar da, eta curriculumean sartuta egon behar du. Izan ere, “hiritartasuna lortzeko, legea baino gehiago behar da… agintaritza-politikoaren araberako hiritartasun-definizioaren ordez beste hiritartasun-eredu bat sortzen ari da, alde soziala garatzen duena, askotariko egoeratan elkarbizitza sustatzen duena”.