Egia, justizia eta erreparazioa oinarrizko hiru printzipio dira giza eskubideen urraketa larrien zigorgabetasunaren aurkako borrokan. Gatazka armatuek eta errepresioak eragindako herrialde askotan, egiaren batzordeak izan dira indarkeria-gertaerak ikertzeko eta biktimen egiarako eskubidea bermatzen saiatzeko tresna nagusia. Argitalpen honek maila ezberdinetan beren ikerketetan genero-ikuspegia kontuan hartu duten hainbat egiaren batzorde aztertzen ditu: Hegoafrika, Guatemala, Peru, Sierra Leona eta Kolonbia. Esperientzia horien eta kasu bakoitzean izandako arrakasten, okerren, lorpenen eta zailtasunen gainean eskuratutako ezagutzak irakaskuntzarako balio dezake horrelako tresnetara jotzea erabakitzen duten herrialdeentzat eta, batez ere, diskriminaziorik ezaren printzipioa eta biktima guztien babesa bete nahi duten horientzat, genero-arrazoiengatiko hierarkiarik eta bazterketarik gabe.