Txosten honen aztergaia honako hau da, nagusiki: gure autonomia-erkidegoko adingabeek oinarrizko balio batzuk zenbateraino berenganatzen dituzten ala ez, eta balio horiek transmititu edo eraikitzean gizarte-eragileek zer indar edo eragin duten. Horrela, txostenean hiru adin-talde bildu eta sistematikoki aztertu dira. Adin-talde horiek bat datoz hezkuntzako hiru ziklo edo etaparekin. Horretarako, propio taxuturiko galdera-sortak erabili dira 1.829 ikaslez osatutako lagin zabal batekin. Horrez gain, eztabaida-talde batzuen bidez, nerabeen beren, haien aita-amen, irakasleen eta hezkuntzako beste profesional batzuen iritziak eta proposamenak jaso dira. Txostenetan bertan, bereiz aztertzen da adin bakoitzerako lortu den informazioa.