Hegoa-k egindako jarduera bilduma, hezitzaile eta irakasleoi gai sozial esanguratsuak jarduera ludiko eta parte hartzezkoen bitartez lantzen laguntzeko gogoak bultzatuta. Era aktibo batean ikasteko, ikasleengan motibazioa pizteko, eta ezagutza kritikoa sortzeko asmoz sortutako dinamika sail zabalaren arteko gutxi batzuk baino ez dira hemen biltzen direnak; ikerketarako proposamenak, rol-jokoak, dramatizazioak, testu-interpretazioak, eztabaidak eta irudien analisia… holako eta bestelako estrategia didaktikoak bildu nahi izan ditugu material didaktiko honetan.